ÁR nDAOINE
Ag obair le chéile mar fhoireann
ÉAGSÚLACHT
Tá lucht saothair éagsúil atá comhdhéanta de bhaill foirne a thugann éagsúlacht mhór scileanna, inniúlachtaí, taithí agus radharcanna leo ríthábhachtach dúinn chun rath a bhaint amach. Bain leas iomlán i gcónaí as a bhfuil á chur ar fáil ag ár mbaill foirne. Éist agus glac isteach gach duine sa phlé. Táimid tiomanta dophrionsabail an chomhionannais deis fostaíochta, do chuimsiú agus meas.
DÍNIT AGUS MEAS
Is iad ár bhfostaithe bunús ár gCuideachta. Táimid uile freagrach dá chéile as a chinntiú go bhfuil an timpeallacht oibre bunaithe ar mhacántacht, ionracas agus cómheas. Ní ghlacaimid le haon saghas leithcheala, iompar ciaptha nó iompar a íslíonn duine eile i gcoinne duine nó grúpa ar bith ar bhonn cine, reiligiúin, inscne, gnéaschlaonta, ionannú inscne, bunúis náisiúnta, aoise, stádas pósta, stádas seanshaighdiúra faoi chosaint, míchumais, toirchis nó bunús eile ar bith atá coiscthe ag an dlí is infheidhme. Má fheiceann tú aon sárú nó má mheasann tú a leithéid, nó má mhothaíonn tú gur íospartach ciaptha nó leithcheala tú, inis don Roinn Acmhainní Daonna é láithreach. Tá roghanna tuairiscithe ar fáil sa mhír AcmhainníBreise.
SÁBHÁILTEACHT
Táimid tiomanta do thimpeallacht oibre chompórdach, tháirgeach shlán a chur ar fáil dár bhfostaithe uile. Cloímid leis na caighdeáin comhshaoil, sláinte agus slándála is airde inár n-áit oibre agus táimid ag brath ar gach aon duine timpistí, trealamh, cleachtais nó cúinsí neamhshábháilte a thuairisciú. Chun tuilleadh a dhéanamh d’fhonn áit oibre shábháilte a chinntiú ní cheadaítear foiréigean ná iompar bagartach in am ar bith.
Seasaimid air timpeallacht saor ó dhrugaí a bheith againn i gcónaí, áit ina bhfuil ar gach fostaí a bheith ag obair gan droch-iarmhairtí drugaí, alcóil nó substaintí rialaithe eile. Ag an am céanna is léir dúinn gur féidir cóireáil a chur ar fhostaithe a bhfuil andúil i ndrugaí agus alcól acu. Spreagaimid iad chun cúram agus comhairliú gairimiúil afháil ar eagla go sáróidís beartais Equinix maidir le drugaí agus alcól. Chun tuilleadh treorach a fháil ar áit oibre shláintiúil shábháilte féach ar Lámhleabhair Domhanda d’Fhostaithe.
Agus sinne ag obair le chéile, cruthaímid timpeallacht oibre shábháilte, éagsúil atá bunaithe ar:
- Macántacht
- Ionracas
- Féinmheas
